Rajoni fiton 32 medalje në Lojërat Olimpike të Londrës

Nga Southeast European Times – 13/08/12

Evropa Juglindore fitoi 32 medalje, duke përfshirë tetë ari, në Olimpadën e Londrës, e cila përfundoi të dielën (12 gusht) në një ceremoni mbyllëse madhështore.

Rumania kryesoi në rajon me nëntë medalje, përfshirë dy ari, ndërsa Kroacia kryesoi rajonin me më shumë medalje ari, me tre. Kombi rrëmbeu dy medalje të dielën, duke përfshirë të artën në vaterpolo për meshkuj. Ekipi i saj i hendbollit për meshkuj fitoi medaljen e bronzit duke mundur Hungarinë.

Turqia fitoi pesë medalje, përfshirë dy ari. Suksesi më i madh i saj ishte në 1500 m për femra, ku atletet e saj fituan medaljen e artë e të argjendtë. Serbia fitoi medaljen e katërt të saj të dielën duke mundur Malin e Zi për të bronztën në vaterpolo për meshkuj. Ajo fitoi edhe një medalje të artë në Lojëra.

Bullgaria, e cila fitoi dy medalje, humbi ndeshjen për medalje bronzi me Italinë në volejboll për meshkuj të dielën. Edhe ekipi i gjimnastikës ritmike të saj nuk arriti të fitojë medalje.

Greqia e Moldavia fituan secila nga dy medalje bronzi, ndërsa Qipro e Mali i Zi fituan nga një medalje bronzi secila.