Qeveria dhe opozita shqiptare akuzojnë njëra-tjetrën për korrupsion

02/09/2010

TIRANE, Shqipëri -- Akuzat për korrupsion janë hedhur midis qeverisë dhe opozitës. Të mërkurën (1 shtator) përfaqësuesit e Partisë Socialiste (PS) të opozitës akuzuan përsëri zyrtarët e qeverisë për korrupsion dhe përfitim nga kontratat shtetërore. Në ana e tyre, ligjvënësit e Partisë Demokratike (PD) në pushtet akuzuan kryetarin e PS dhe Kryebashkiakun e Tiranës Edi Rama për korrupsion dhe rryshfet. Buletinet e lajmeve tregojnë se akuzat vijnë nga të dy kampet. Anëtarët e PS pretendojnë se 240 konçesione të dhënë për të ndërtuar hidrocentrale në vend gjatë pesë viteve të kaluar janë pjesë e marrëveshjeve private që mbushin xhepat e zyrtarëve qeveritarë dhe të afërmëve të tyre.

Zyrtarët e synuar përfshijnë Ministrin e Ekonomisë Dritan Prifti, Ministren e Integrimit Majlinda Bregu dhe deputeten Albana Vokshi. Duke reaguar ndaj sulmeve, përfaqësuesit e PD e akuzuan Ramën për marrjen e rryshfeteve deri në 20% të vlerës së një blloku të ri apartamentesh në shkëmbim të lejeve të ndërtimit. Prokurorët dëshirojnë tani që disa nga tregtarët e përmendur të bëjnë deklarata zyrtare lidhur me akuzat. Ministri i Ekonomisë Prifti thotë se akuza të tilla po "trembin" investitorët dhe bankat. (BBC, Telegrafi, Lajmifundit, Top News - 01/09/10)