Bullgaria dhe Rumania ndërmarrin veprim të përbashkët në riatdhesimin e romëve
30/07/2010
SOFJE, Bullgari/BUKURESHT, Rumani -- Ministri i Brendshëm bullgar Cvetan Cvetanov tha të enjten (20 korrik) se Sofja dhe Bukureshti po marrin masa të përbashkëta për të garantuar që romët që ndeshen me përzënien nga Franca të riatdhesohen në vendet e tyre. Autoritetet në Paris njoftuan të mërkurën se kanë në plan të prishin të gjithë kampet e paligjshëm brenda tre muajsh dhe do të riatdhesojnë romët që kanë kryer krime. Masa erdhi pas një përleshje të dhunshme me policinë në fillim të korrikut. Kryeministri rumun Emil Bok, vendi i të cilit është atdheu i bashkësisë më të madhe rome në Europë, tha se vendet europianë kanë një "detyrim të përbashkët" për miliona ciganë në kontinent. (DPA, Novinite, AP - 29/07/10)