Turqia nuk pranon të hapë hapësirën ajrore ndaj aeroplanëve qipriotë
28/07/2010
NIKOZIA, Qipro -- Turqia hodhi poshtë të martën (27 korrik) një kërkesë nga autoritetet e aviacionit qipriot për të përdorur hapësirën ajrore të vendit, duke mbajtur parasysh grevat në vazhdim nga kontrollorët e trafikut në Greqi, që kanë prekur udhëtimin anembanë Europës. Zëdhënësi i Cyprus Airways Qiriakos Qiriaku tha se ndërmarrja kërkoi leje për dy fluturime, por Ankaraja u përgjigj "menjëherë" dhe negativisht. Hapja e hapësirës ajrore të saj për aeroplanët qipriotë është një nga kushtet që Turqia duhet të përmbushë për t'u bashkuar me BE.
Ndërkohë, Presidenti qipriot Demetris Kristofias dhe udhëheqësi qipriot turk Dervish Eroglu po takohen të mërkurën si pjesë e bisedimeve në vazhdim për të ribashkuar ishullin e ndarë. Fokusi i këtij raundi është çështja e pronës. Ata u takuan së fundmi gjashtë ditë më parë. (Cyprus Mail, CNA - 28/07/10; CNA, Xinhua - 27/07/10)