BE i kërkon Maqedonisë që të vazhdojë reformat

28/07/2010

BRUKSEL, Belgjikë -- BE tha të martën (27 korrik) se procesi i reformës në Maqedoni ka fituar hov, por i kërkoi vendit që të trajtojë disa të meta me qëllim që të përshpejtojë procesin e integrimit. Komisioneri i Zgjerimit të BE Stefan Fuele tha pas një takimi të Këshillit të Stabilizimit dhe Shoqërimit BE-Maqedoni se Komisioni Europian (KE) ende dëshiron që të hapë bisedimet e pranimit me Shkupin. Megjithatë, Brukseli dëshiron së pari që të shohë më shumë dialog politik mess partive në pushtet dhe opozitës, reforma në administratën publike, pavarësi të garantuar të gjyqësorit, një luftë më të guximshme kundër korrupsionit dhe të drejta të njeriut të përmirësuara. Ministri i Jashtëm maqedonas Antonio Milososki u zotua se vendi i tij do të vazhdojë zbatimin e reformave të nevojshme.

Në lajme të tjerë të martën, Kroacia eci një hap më pranë BE, duke mbyllur dy kapituj të tjerë të bisedimeve: mbi sigurinë e ushqimeve, politikën veterinare e fito-sanitare dhe kontrollin financiar. Me këto dy kapituj, vendi ka mbyllur 22 nga 33 kapituj. (HRT, HINA, Poslovni Dnevnik, Nova TV, MIA, Alsat M, Sitel, Makfax - 27/07/10)