Fitxherald i NATO-s viziton Maqedoninë
17/03/2010
SHKUP, Maqedoni -- Komandanti i Komandës së Bashkuar të Forcave Aleate të NATO-s në Napoli, Admirali Mark Fitxherald tha të martën (16 mars) se trupat maqedonase janë të trainuara mirë dhe të përgatitura që të marrin pjesë në misionet jashtë vendit. Pas bisedimeve me Ministrin e Mbrojtjes Zoran Konjanovski dhe Shefin e Shtabit të Përgjithshëm të Ushtrisë Maqedonase, Gjeneralin Miroslav Stojanovski, Fitxherald parashikoi një të ardhme të ndritur për Maqedoninë në NATO. Zyrtarët diskutuan mbi reformat në ushtrinë maqedonase dhe investimin e ardhshëm në poligonin ushtarak të Krivolakut. Konjanovski njoftoi se deri nga fundi i këtij muaji apo në fillim të prillit, 79 trupa maqedonase shtesë do të vendosen në Afganistan. (MIA, A1, Makfax - 16/03/10)