Policia boshnjake ndalon disa vetë lidhur me abuzimin seksual
17/03/2010
SARAJEVE, Bosnjë dhe Herzegovinë (BiH) -- Policia ndaloi të martën (16 mars) një duzinë personash në Bratunac dhe Srebrenicë me dyshimin për nxitjen e prostitucionit dhe abuzimin seksual të një të miture. Midis të arrestuarve janë zyrtarë, mësues, policë dhe një hoxhë vendas. U kontrollua gjithashtu shtëpia e Ministrit të Sigurimit Sadik Ahmetoviç në një fshat pranë Srebrenicës. Operacioni u krye pasi një vajzë e mitur rome, nxënëse në një shkollë në Bratunac, i tha policisë se ishte abuzuar seksualisht nga disa vetë. Ministri i Brendshëm Stanisllav Çadjo nuk pranoi të komentojë nëse Ahmetoviç ishte përfshirë në çështje, por shprehu keqardhje se kishte oficerë të policisë midis të arrestuarve. Vetë Ahmetoviç u morr në pyetje nga policia dhe tha se nuk kishte të bënte fare me çështjen. (Fena, RTRS, Srna, BHRT, B92, AP - 16/03/10)