Udhëheqësi i opozitës shqiptare Rama i kërkon Kryeministrit Berisha mirëkuptim
17/03/2010
TIRANE, Shqipëri -- Udhëheqësi i Partisë Socialiste (PS) të opozitës Edi Rama i kërkoi të martën (16 mars) Kryeministrit Sali Berisha që të bjerë dakort me mirëkuptim për zgjidhjen e bllokimit politik të tanishëm. Në një letër Berishës, Rama këmbënguli në transparencën mbi zgjedhjet e përgjithshme të 2009, duke lejuar një hetim të procesit. Reagimi erdhi pasi një kërkesë e ngjashme nga PS nuk u pranua më parë gjatë ditës nga përfaqësuesit qeveritarë. "Do të dëshiroja që të gjendet një zgjidhje e problemit që e ndan të kaluarën nga e ardhmja europiane e Shqipërisë," tha Rama në letrën e tij. Ai vuri në dukje se hetimi i disa kutive të votimit nuk synon të ndryshojë rezultatin përfundimtar të votimit, por përkundrazi të vendosë një standart për zgjedhjet e ardhshme. (Balkan Web, Shekulli, Ora News, BBC - 16/03/10)