Udhëheqësit qipriotë grekë dhe turq diskutojnë mbi çështjet e BE
17/03/2010
NIKOZIA, Qipro -- Presidenti qipriot Demetris Kristofias dhe udhëheqësi qipriot turk Mehmet Ali Talat diskutuan të martën (16 mars) mbi çështjet e BE në një takim si pjesë e bisedimeve të intensifikuara në vazhdim mbi ribashkimin e ishullit të ndarë. Bisedimet pritet të ndërpriten për zgjedhjet në pjesën qipriote turke më 18 prill. Sekretari i Përgjithshëm i OKB Ban Ki-mun, i cili bisedoi me këshilltarin e posatçëm të tij Aleksander Dovner në telefon, u tha gazetarëve në Nju Jork se ishte "shumë e rëndësishme" që të dy udhëheqësit të vazhdojnë bisedimet megjithë fushatën zgjedhore në veri. "Shpresojmë se nëse dy udhëheqësit mund të lëshojnë ndonjë deklaratë të përbashkët mbi marrëveshjen që ata kanë bërë, kjo është shpresa ime e sinqertë. I kam kërkuar Z. Dovner që të bëjë më të mirën e tij për të lehtësuar bërjen e përparimit," tha Ban. Dovner njoftoi se takimi i ardhshëm midis Talat dhe Kristofias do të jetë më 30 mars. (Famagusta Gazette - 17/03/10; UN news centre - 16/03/10))