Dështon samiti mbi ndryshimet kushtetuese rumune
16/03/2010
BUKURESHT, Rumani -- Një samit i partive parlamentare në zyrën e presidentit Traian Bashesku dështoi të hënën (15 mars) kur Partia Social Demokratike dhe Partia Kombëtare Liberale të opozitës, ikën para kohe. Ato janë kundër planit të Basheskut për të kthyer parlamentin me dy dhoma në një dhomë të vetme dhe për të reduktuar numrin e ligjebërësve nga 471 në 300. Publiku mbështeti idenë në një referendum jo-detyrues në fund të vitit të kaluar por që amendamenti kushtetues të kalojë, kjo kërkon dy të tretat e shumicës në parlament. Partitë e opozitës thonë se ndryshimi do të dëmtonte rolin e parlamentit dhe do t'i jepte presidentit më shumë pushtet. Partia qeverisëse Liberale Demokratike mbështet amendamentin e propozuar. (Evenimentul Zilei, Gandul, Cotidianul, Adevarul - 16/03/10)