Serbia do të pranojë ekstradimin e Ganiç në BiH
15/03/2010
BEOGRAD, Serbi -- Presidenti Boris Tadiç Tha të dielën (14 mars) se Serbia nuk do të kundërshtojë ekstradimin e ish-anëtari të presidencës së Bosnjë dhe Herzegovinës (BiH) Ejup Ganiç në Sarajevë, duke theksuar se gjëja më e rëndësishme është që Ganiç të dalë në gjyq. Gjatë një ceremonie që shënonte 20 vjetorin e Lëvizjes për Ringjalljen Serbe, Tadiç tha se të gjithë ata që dyshohen për krime lufte duhet të përballen me drejtësinë. Ganiç u arrestua më 1 mars në Aeroportin Hithrou të Londrës mbështetur në një urdhër arrestimit të lëshuar nga Beogradi. Ai u lirua më pas me dorëzënie, në pritje të një seance të ekstradimit. Serbia kërkon t'a ndjekë penalisht Ganiç në lidhje me një sulm të majit 1992 në Sarajevë kundër një kolone të Ushtrisë Kombëtare Jugosllave, që la më shumë se 40 ushtarë të vrarë. BiH gjithashtu ka kërkuar ekstradimin e tij. (RTS, Tanjug, Fena, Dnevni Avaz, RTRS - 14/03/10)