Anëtar i presidencës së BiH kërcënon të largohet për shkak të Ganiq

14/03/2010

SARAJEVË, Bosnje-Hercegovinë (BiH) -- Anëtari serb i presidencës Nebojsha Radmanoviç kërcënoi të premten (12 mars) se ai dhe serbë të tjerë mund të lënë qeverinë për shkak të mbështetjes boshnjake për ish-anëtarin e presidencës Ejup Ganic. Ganiq u arrestua më 1 mars në aeroportin Heathrow të Londrës, duke u bazuar në një urdhër të lëshuar nga Beogradi. Ai më vonë u lirua me kusht, në pritje të një seanca dëgjimi për ekstradim muajin e ardhshëm. Serbia do që të ndjekë penalisht Ganiq në lidhje me një sulm të majit 1992 në Sarajevë kundër një konvoji të Ushtrisë Kombëtare Jugosllave, që la të vdekur më shumë se 40 ushtarë. Anëtari boshnjak i presidencës Haris Silajxhiç kritikoi hapur Mbretërinë e Bashkuar për keqtrajtimin e dyshuar të Ganiq kur ai ishte nën arrest, pastaj fluturoi për në Londër për të treguar mbështetjen e tij për ish-presidentin. Ndërsa atje, Silajxhiç u takua me sekretarin e jashtëm britanik David Miliband dhe i kërkoi atij që të kërkojë ndjesë për mënyrën se si u trajtua Ganiq. Radmanoviç tha të premten se Silajxhiç nuk ishte këshilluar me dy anëtarët e tjerë të presidencës tre-palëshe para fluturimit në Londër. (AP, B92, Beta, SRNA, AFP - 12/03/10)