Belgjika do të riatdhesojë grupin e parë të azil kërkuesve
10/03/2010
BEOGRAD, Serbi -- Të martën (9 mars) Sekretari i Shtetit për Azilin Melçior Vathelet u tha autoriteteve në bashkitë jugore të Preshevës dhe Bujanovcit se shtetasve serbë nuk do t'u jepet azil për arsye ekonomike. Ai shtoi se grupi i parë i azil kërkuesve nga Serbia dhe Maqedonia do të dërgohen në vendin e tyre të mërkurën. Sipas të dhënave zyrtare, 58 shtetas serbë bënë kërkesë për azil në Belgjikë në janar, pasuar nga 330 në shkurt. Shumica e tyre janë shqiptarë etnikë nga Serbia e jugut. Shtetasit serbë kanë udhëtuar lirisht brenda BE pa viza që nga dhjetori. Vathelet theksoi se një mënyrë për të ndaluar njerëzit për të kërkuar azil është të investohet në ekonomitë e rajoneve të tyre. (B92, Beta, Blic - 09/03/10)