Tre të dyshuar në rastin e grabitjes së varrit në Qipro
10/03/2010
NIKOZIA, Qipro -- Policia njoftoi të martën (9 mars) se ka arrestuar dy persona në lidhje me vjedhjen e trupit të Presidentit të ndjerë Tasos Papadhopulos, së bashku me një të tretë që ndërkohë ishte në burg për krime të tjera. Kufoma, e vjedhur në dhjetor, u gjet të hënën pranë një varreze në Nikozia. Policia thotë se motivi ishte shpërblimi, që familja nuk pranoi të paguajë. Të tre të dyshuarit janë përshkruar si një indian me pasaportë të fallsifikuar bullgare, një i burgosur Andonis Prokopiu Kitas, që shërben një dënim të përjetshëm në burgun qendror të Nikozisë për vrasje në seri dhe një i afërm i Kitas. Hetuesit besojnë se Kitas e orkestroi krimin nga qelia e tij. (CNA, AFP - 09/03/10)