Opozita shqiptare paralajmëron për protesta në rrugë
08/02/2010
TIRANE, Shqipëri -- Partia Socialiste (PS) e opozitës thotë se do të organizojë protesta nëse dështojnë bisedimet e organizuara për të kapërcyer bllokimin e tanishëm politik, me ndërmjetësimin e Presidentit Bamir Topi. Ligjvënësit e PS kanë bojkotuar punën e parlamentit që nga shtatori, duke këmbëngulur për një hetim tërësor të zgjedhjeve të përgjithëshme të qershorit të kaluar, që ata thonë se janë njollosur nga shkelje të rënda. Si PS, ashtu edhe Partia Demokratike në pushtet, kanë rënë dakort që të marrin pjesë në bisedimet e ndërmjetësuara nga Topi dhe të përpiqen të kapërcejnë krizën. Topi pritet të fillojë kontaktin me përfaqësuesit e të dy palëve të hënën (8 shkurt). (BBC, Ora News, Shekulli, Top Channel - 07/02/10)