Ban i OKB nxjerr raportin mbi Qipron
03/12/2009
NJU JORK, Shtetet e Bashkuara -- Sekretari i përgjithshëm i OKB Ban Ki-mun thoshte në një raport të mërkurën (2 dhjetor) se bisedimet e drejtpërdrejta në Nikosia për të ribashkuar Qipron po bëjnë përparim por nuk kanë hyrë ende në fazën më të vështirë. Dokumenti theksonte se ndërsa të dy palët po marrin pjesë në mënyrë konstruktive në dialog, janë ende disa çështje të mbrehta që duhen trajtuar dhe ku do të dalin dallime. Ban inkurajoi krerët e komuniteteve grek qipriot dhe turk qipriot të demonstrojnë realizëm duke vënë në dukje se procesi negociues kërkon qasje vendimtare dhe të durueshme. Ai u kërkoi gjithashtu anëtarëve të Këshillit të Sigurimit të OKB të miratojnë një shtyrje të misionit paqeruajtës të OKB me gjashtë muaj të tjerë, deri në qershor. (UN News Centre, BTA - 02/12/09)