Maqedonia thotë se nuk ka ndryshim nga Greqia lidhur me kërkesën për në BE

02/12/2009

ATHINE, Greqi -- Media maqedonase njoftoi të martën (1 dhjetor) se Kryeministri Jorgo Papandreu dhe Ministri i Jashtëm zëvendësues Dimitris Drutsas i kanë thënë Ministrit të Jashtëm maqedonas Antonio Milososki se qëndrimi i vendit të tyre lidhur me përpjekjet e Shkupit për të marrë një datë për nisjen e bisedimeve të pranimit në BE nuk ka ndryshuar. Të tre zyrtarët zhvilluan bisedime në periferi të një konference ministrore të OSBE në Athinë. Milososki u kërkoi zyrtarëve grekë që të ndryshojnë mendje dhe të tregojnë një metodë realiste lidhur me kërkesën e Maqedonisë për në BE. Ai tha se duke bërë kështu do të ketë një ndikim pozitiv në përpjekjet për të zgjidhur mosmarrëveshjen e gjatë të emrit midis të dy vendeve. Gjatë bisedimeve, Milosoki ofroi dy nisma që kanë për qëllim përmirësimin e marrëdhënieve të ndërsjellta. E para ka të bëjë me transformimin e zyrës greke të ndërlidhjes në Shkup në ambasadë, ndërsa e dyta ka të bëjë me nënshkrimin e një marrëveshjeje mbi shmangien e taksimit të dyfishtë. Greqia thotë se do t'i shqyrtojë propozimet. (MIA, A1, Makfax - 01/12/09)