Britania konfirmon rivendosjen e trupave në Qipro
01/12/2009
NIKOZIA, Qipro -- Komanda e bazave britanike në Qipro lëshoi një deklaratë të shkruar të hënën (30 nëntor) duke konfirmuar njoftimet e medias se personeli po zhvendoset nga një prej dy bazave të saj në ishull, por mohoi çdo "pakësim" të forcave. Sipas deklaratës, baza në Dekelia po boshatiset vetëm për rinovime. Personeli që është zhvendosur në Akrotiri do të kthehet në Dekelia pasi të ketë përfunduar puna. Komanda shton se 80 trupa britanike do të kthehen në atdhe pasi së bashku me një grup prej 62 inxhinierësh vendas ishin pjesëtarë të një njësie që është shpërbërë. Stacioni shtetëror i Transmetimit i Qipros njoftoi të dielën se disa qindra trupa të bazës Dekelia në Larnaka ishin kthyer në Mbretërinë e Bashkuar, ndërsa një numër më i vogël ishin zhvendosur në bazën në Akrotiri. (Xinhua, Famagusta Gazette - 30/11/09)