Samaras fiton postin drejtues të ND të Greqisë
30/11/2009
ATHINE, Greqi -- Anëtarët e opozitës së Demokracisë së Re (ND) zgjodhën të dielën (29 nëntor) ish-Ministrin e Financave Antonis Samaras si udhëheqësin e tyre. Sipas rezultateve të pjesshme të hënën, Samaras mori 47% të votave, i ndjekur nga ish-Ministrja e Jashtme Dora Bakojanis me 41%. Prefekti i Selanikut Panajotis Psomiadis ishte i treti me 10.7%. ND drejtoi qeverinë e mëparshme, por humbi në zgjedhjet e parakohshme të tetorit ndaj partisë së qendrës së majtë PASOK. Më pas, ish-Kryeministri Kostas Karamanlis dha dorëheqjen si udhëheqës i ND.
Në lajme të tjera, piratët somalezë kapën supertanmkerin me pronësi greke Maran Centaurus pranë brigjeve të Sejshelleve të dielën. Ministria greke e mbrojtjes thotë se një fregatë e marinës greke po ndjek tani anijen që besohet të jetë një nga më të mëdhatë kapur nga piratët deri më tani. (Kathimerini, ANA-MPA, DPA, AP, BBC - 30/11/09)