Rohan: Kosova do të bashkohet me OKB pas njohjes nga Serbia
25/11/2009
PRISHTINE, Kosovë -- E ardhmja e vendit të ri është e ndritur dhe shpejt a vonë ai do të jetë pjesë e BE, tha të martën (24 nëntor) ish-Ndihmësi i të Dërguarit të Posatçëm të OKB, Albert Rohan, gjatë një vizite në Kosovë. Në të njëjtën kohë, vuri në dukje ai, anëtarësimi në OKB do të varet nga Beogradi. "Kosova do të bëhet një anëtare e OKB kur Serbia të njohë pavarësinë e Kosovës dhe kësisoj të tërheqë kundërshtimin e saj në OKB. Kjo është shumë e thjeshtë," tha Rohan.
Në një fjalim në parlament, ai i siguroi ligjvënësit se pavarësia e Kosovës është një fakt i pakthyeshëm, që më së fundi duhet të pranohet nga Serbia dhe pesë vendet anëtare të BE që nuk e kanë njohur ende atë. Ai theksoi se Kosova duhet të ndërtojë institucionet demokratikë, të sigurojë rendin e ligjit, të garantojë pavarësinë e medias dhe të harmonizojë ligjet e saj me acquis, me qëllim që të arrijë anëtarësimin në BE. (Zeri, Koha Ditore, Kosova Sot, Express, Lajm - 25/11/09; RTK - 24/11/09)