Kristofias kundërshton propozimin turk për konferencën e Qipros

19/11/2009

NIKOZIA, Qipro -- Presidenti Demetris Kristofias tha të mërkurën (18 nëntor) se Qiproja ka kundërshtuar një propozim të Ankarasë për një konferencë pesë palëshe mbi ribashkimin e ishullit të ndarë. Kristofias shpjegoi se propozimi është i ngjashëm me një procedurë të 2003, e cila rezultoi në një plan të OKB që u kundërshtua më së fundi nga 74% e votuesve qipriotë grekë si e njëanëshme. Sipas medias vendase, Kryeministri turk Rexhep Tajip Erdogan e sugjeroi konferencën gjatë një takimi me Sekretarin e Përgjithshëm të OKB Ban Ki-mun të martën. Erdogan propozoi që pjesëmarrësit nga Turqia, Greqia, Britania e Madhe, bashkësitë qipriote greke dhe turke të takohen nën mbikqyrjen e OKB. Kristofias thotë se Turqia po "pretendon të kërkojë zgjidhje dhe të bëjë propozime [ndërsa] në të njëjtën kohë zyrtarët turq më akuzojnë mua personalisht për pengimin e një zgjidhjeje". (Xinhua, ISRIA, MIA - 18/11/09)