Shqipëria më pranë statusit të kandidatit të BE
17/11/2009
BRUKSEL, Belgjikë -- Ministrat e jashtëm të BE pranuan zyrtarisht të hënën (16 nëntor) kërkesën e Shqipërisë për statusin e kandidatit dhe do t'i kërkojnë tani Komisionit Europian që të paraqesë një opinion mbi kërkesën e Shqipërisë, që do të kërkojë rreth 18 muaj. Shqipëria paraqiti kërkesën e saj për statusin e kandidatit në prill.
Kryeministri Sali Berisha e përshkroi vendimin e së hënës si "historik dhe vendimtar për shtetasit shqiptarë", një mendim të cilit iu bë jehonë nga Presidenti Bamir Topi, i cili tha se Shqipëria do që të bëhet pjesë e "Europës së bashkuar".
Më vete të hënën, anëtarja e Parlamentit Europian Tanja Fajon tha se Shqipëria ka një shans real që t'u ofrojë shtetasve të saj lëvizjen e lirë në vendet e BE; megjithatë mungesa e mirëkuptimit politik mbetet një shqetësim. Shqipëria duhet gjithashtu të bëjë më shumë për të luftuar krimin dhe korrupsionin për të përfituar nga procesi i liberalizimit të vizave, tha Fajon gjatë një konference të organizuar nga ministria e integrimit në Tiranë. (Top Channel, News 24, Klan, Alsat, Telegrafi - 16/11/09)