Një e katërta e serbëve të Kosovës do të marrë pjesë në zgjedhje
09/11/2009
PRISHTINE, Kosovë -- Një sondazh i ri tregon se 28% e serbëve të Kosovës do të marrë pjesë në zgjedhjet vendore të 15 nëntorit, krahasuar me 32% që nuk do të marrin pjesë dhe 40% që thanë se janë të pavendosur. Sondazhi u zhvillua në Graçanicë, një qytet me mbizotërim serb në periferinë e Prishtinës dhe doli të dielën (8 nëntor).
Beogradi po u kërkon serbëve të Kosovës që të bojkotojnë votimin dhe të mbështesin strukturat paralele të financuara nga Serbia. Por Momçillo Trajkoviç, kandidati për kryebashkiak i Graçanicës ka thënë se arsyeja më e rëndësishme për pjesëmarrje është vetë-administrimi, për të ndikuar më mirë në jetën e përditshme. (Express, Lajm, Koha Ditore - 09/11/09; B92, Tanjug - 08/11/09)