Gjermania ndihmon në financimin e mbikqyrjes së zgjedhjeve të Kosovës
06/11/2009
PRISHTINE, Kosovë -- Ambasadori gjerman në Kosovë Hans-Dieter Shteinbah dhe Sekretari i Përgjithshëm i Rrjetit Europian të Organizatave të Mbikqyrjes së Zgjedhjeve (ENEMO) Konstandin Marza nënshkruan një marrëveshje të enjten (5 nëntor) që mundëson që ENEMO të mbikqyrë zgjedhjet bashkiake të 15 nëntorit në Kosovë. Gjermania ka caktuar 146,532 euro për këtë projekt.
Ndërkohë, Komisioni Qendror Zgjedhor, në bashkëpunim me Ministrinë e Brendshme dhe Zyrën Civile Ndërkombëtare, vendosi të enjten se shtetasit do të lejohet të tregojnë kartat e identifikimit të lëshuara nga UNMIK në ditën e zgjedhjeve, pavarësisht nga fakti se këto dokumentë janë të pavlefshme që prej dy muajsh. Më parë këtë javë, autoritetet njoftuan se pasaportat serbe do të pranohen gjithashtu si identifikim në qendrat e votimit. (Zeri, Lajm, Express, Koha Ditore - 05/11/09)