Një trup tjetër gjendet në tragjedinë e Lumit Tisa
30/10/2009
PRISHTINE, Kosovë -- Një trup tjetër u nxorr nga Lumi Tisa të mërkurën (28 tetor), siç mendohet, trupi i një prej atyre në përbërje të një grupi të shqiptarëve të Kosovës që u përpoqën të kapërcejnë lumin dhe të hyjnë në Hungari në mënyrë të paligjshme më parë këtë muaj. Kjo e shpie në gjashtë numrin e të vdekurve dhe tetë të të humburve. Një i shpëtuar i tha një rrjeti në Prishtinë të enjten: "Nuk e dinim se do të na duhej të udhëtonim nëpër lumë. Ata na tradhëtuan; na gënjyen," tha Blerim Rama, që arriti të shpëtonte dy fëmijët e tij. Gruaja e tij ishte midis atyre që u mbytën kur barka u përmbys dhe u fundos. Ajo u varros në Prishtinë të enjten. (Zeri, Koha Ditore, Kosova Sot, Lajm - 30/10/09)