Parlamenti rumun do të vendosë mbi datën e votë-besimit
26/10/2009
BUKURESHT, Rumani -- Byrotë e përherëshme të të dy dhomave të parlamentit do të vendosin të hënën (26 tetor) mbi planin e seancave lidhur me qeverinë e re të propozuar nga Kryeministri i caktuar Lucian Kroitoru. Procesi është i dyfishtë. Së pari, ata duhet të marrin një votë në komitetet, pas të cilit parlamenti i plotë do të vendosë mbi qeverinë e re. Kjo duhet të bëhet deri më 7 nëntor. Kroitoru ka mbështetjen e vetëm Partisë Demokratike Liberale (PDL), pasi të gjitha partitë e tjera dhe përfaqësuesit e pakicave vazhdojnë të mbështesin Klaus Johanis për këtë detyrë. Kroitoru njoftoi anëtarët e qeverisë së tij të premten pasdite. Ata janë një përzierje anëtarësh të PDL dhe teknokratësh. (Hotnews.ro, Mediafax, Romania Libera - 26/10/09)