Berisha zbut qëndrimin ndaj eshtrave të Nënë Terezës
20/10/2009
TIRANE, Shqipëri -- Kryeministri Sali Berisha ka hequr dorë nga ideja e rivarrimit të eshtrave të Nënë Terezës në Tiranë, ku autoritetet thonë se ajo kaloi kohë me familjen përpara se të ikte për në Indi më 1929. "Kërkesa ime ishte thjesht njerëzore," tha Berisha të hënën (19 tetor) duke vizituar një institucion bamirësie të quajtur sipas murgeshës. " Një simbol i madh që bashkon dy kombe nuk mund të kthehet në një kundërshtim midis dy kombeve dhe vendeve tanë," shtoi Berisha, ndërsa shënoi gjashtë-vjetorin e shenjtërimit të saj nga Kisha Katolike. Ai e bëri kërkesën fillestare në Indi më parë këtë muaj, duke shpresuar që të hapte rrugën për të sjellë laureaten e Çmimit Nobel të Paqes në Shqipëri përpara 100 vjetorit të lindjes së saj, gushtin e ardhshëm. Nënë Tereza ka lindur në një familje etnike shqiptare në Maqedoni. (Top Channel, Klan, Alsat, News 24 - 19/10/09)