Presidenti çek Klaus thotë se Traktati i Lisbonës nuk jep garanci për zgjerimin e BE
06/10/2009
TIRANE, Shqipëri -- Ratifikimi i Traktatit të Lisbonës të BE nuk është një garanci për zgjerimin e mëtejshëm të BE, tha të hënën (5 tetor) në Tiranë Presidenti i Republikës Çeke Vaklav Klaus pas takimit me homologun e tij shqiptar Bamir Topi. Duke ju përgjigjur një pyetjeje nëse vendi i tij do të ratifikojë traktatin, Klaus tha vetëm se Gjykata Kushtetuese po e analizon atë. Megjithatë, ai përsëriti mbështetjen për kërkesën e Shqipërisë për në BE. Shqipëria paraqiti kërkesën e saj për anëtarësimin në BE në prill, gjatë presidencës çeke të bllokut. Gjatë vizitës së tij në Tiranë, Klaus zhvilloi gjithashtu bisedime me udhëheqësit vendase mbi marrëdhëniet e ndërsjellta ekonomike dhe investimet çeke në vend.
Gjithashtu të hënën, Kryeministri Sali Berisha vlerësoi "po"-në irlandeze ndaj Traktatit të Lisbonës, duke thënë se kjo inkurajon shqiptarët dhe qeverinë që të vazhdojnë reformat me qëllim që të arrijnë standardet e integrimit të BE. (Shqip, Gazeta Shqiptare - 06/10/09; BBC, Balkan Web, Shekulli, Top Channel - 05/10/09)