Turqia kërkon zgjidhje demokratike të konfliktit kurd

03/08/2009

ANKARA, Turqi -- Qeveria premtoi të dielën (2 gusht) të ndjekë një "rrugë demokratike" dhe të arrijë mirëkuptim publik mbi mënyrat për të kapërcyer konfliktin 25 vjeçar me minoritetin kurd. Javën e shkuar, qeveria e Kryeministri Rexhep Tajip Erdogan njoftoi se do t'u japë më shumë të drejta kurdëve dhe do të inkurajojë partitë opozitare dhe grupe të tjerë që të ndihmojnë për zgjidhjen e konfliktit. Të dielën, Ministri i Brendshëm Beshir Atalai zhvilloi një takim prej pesë orësh me 15 gazetarë të shquar vendas, duke kërkuar opinionet e tyre mbi mënyrat për të zgjidhur konfliktin, i cili ka marrë 40,000 jetë njerëzish. Atalai propozoi krijimin e dialogut me intelektualët kurdë dhe veprimtari të tjera që kanë për qëllim bindjen e Partisë terroriste të Punëtorëve të Kurdistanit (PKK) që të lërë malet në Irakun e veriut ku ka bazat e veta dhe të kthehet në Turqi. (Reuters, Milliyet, Radikal - 02/08/09)