Kosor diskuton në Bruksel mosmarrëveshjen e kufirit Kroaci-Slloveni

24/07/2009

BRUKSEL, Belgjikë -- Kryeministrja e re e Kroacisë Jadranka Kosor u takua me zyrtarët e BE në Bruksel të enjten (23 korrik), udhëtimi i saj i parë jashtë që nga zgjedhja e saj në detyrë më parë këtë muaj. Presidenti i Komisionit Europian Hoze Manuel Baroso dhe Presidenti i Parlamentit Europian Jerzhi Bushek përsëritën se Kroacia dhe Sllovenia duhet të zgjidhin vetë mosmarrëveshjen e tyre të gjatë për kufirin. Grindja ka bllokuar kërkesën e pranimit të Kroacisë në BE gjatë disa muajve të fundit. BE u përpoq të ndërmjetësojë për pak kohë, por vendosi muajin e fundit t'ia lërë këtë Kroacisë dhe Sllovenisë.

Gjithashtu të enjten, Baroso u takua me Kryeministrin malazes Milo Gjukanoviç për të diskutuar mbi hapat e mëtejshëm në procesin e integrimit europian të vendit. Vizita e Gjukanoviç erdhi një ditë pasi Komisioneri i Zgjerimit të BE Olli Rehn dorëzoi një pyetësor mbi gatishmërinë e vendit për t'u bashkuar me bllokun. Barroso vlerësoi përparimin e Malit të Zi në përmbushjen e standarteve të kërkuara nga BE dhe theksoi se përparësia tani duhet të ishte "zbatimi i efektshëm i ligjeve". (HRT, HINA, Vjesnik, Croatian Times, Dnevnik, Poslovni, Reuters, RTCG, Tanjug - 23/07/09)