Greqia dhe Qiproja kritikojnë planet e Turqisë për eksplorimin e naftës
20/07/2009
ATHINE, Greqi -- Media greke njoftoi të hënën (20 korrik) se Athina dhe Nikosia kanë reaguar ashpër ndaj vendimit të Turqisë për të autorizuar Turkish Petroleum Corporation që të nisë një projekt eksplorimi të naftës në Mesdhe. Javën e shkuar, Ankaraja njoftoi se një anije turke do të nisë eksplorimin e burimeve të hidrokarbureve në katër zona pranë bregut të Qipros. Zyrtarët në Athinë dhe Nikosia thonë se veprimi është parashikuar t'i kundërvihet një projekti të ngjashëm nga administrata qipriote greke. Në maj, qeveria qipriote njoftoi planet për pajtimin e një ndërmarrje të SHBA për të nisur eksplorimin e naftës në zonën ekskluzive të saj në Mesdhe. (Ethnos, Ta Nea, Naftemporiki, Apogevmatini, Famagusta Gazette - 20/07/09; Kathimerini - 18/07/09)