Greqia ndalon të dyshuarit e Siemens që të udhëtojnë
15/06/2009
ATHINE, Greqi -- Prokurorët grekë kanë ndaluar 21 të dyshuar në një hetim korrupsioni në vazhdim që të largohen nga vendi, njoftoi media të shtunën (13 qershor). Ndalimi u lëshua pasi dy të dyshuar, ish-ekzekutivët e Siemens, Kristos Karavellas dhe Mihalis Kristoforakos, u larguan. Asnjë nuk është akuzuar zyrtarisht ende për rastin, i cili përfshin rrushfet të pretenduar ndaj zyrtarëve të degës greke të Siemens në këmbim të kontratave të leverdisshme.
Në lajme të tjera, rojet grekë të kufirit kapën të dielën 128 emigrantë të paligjshëm, duke përfshirë tetë fëmijë, në dy operacione më vete në ishujt Lesbos dhe Samos. Emigrantët kishin hyrë në ujrat territoriale grekë nëpërmjet tre gomoneve. Në operacione u arrestua gjithashtu një trafikant i dyshuar njerëzish. (ANA-MPA, ERT, DPA - 14/06/09, Kathimerini, AP - 13/06/09)