Simpatizanti i PD-së vritet për grindje politike

14/06/2009

TIRANË, Shqipëri -- Një simpatizant i Partisë qeverisëse Demokratike (PD) u qëllua për vdekje të premten (12 qershor) gjatë një debatimi me një kundërshtar politik lidhur me posterat elektoral. Ky incident ndodhi në fshatin e Qerret, afër me kryeqytetin e Tiranës. Skender Balla, një mbështetës i Partisë Socialiste (PS), hapi zjarr me një pushkë mbi Artan Zeka, 25 vjeç, mbasi ky i fundit u përpoq të vinte një poster të PD-së. Vrasësi është arrestuar dhe do të akuzohet për vrasjen dhe mbajtjen e armëve pa leje. Si PD dhe PS dënuan vrasjen dhe i bën thirrje mbështetësve të tyre të mos dëmtojnë fushatën elektorale me incidente të dhunshme.

Incidenti i të premtes ishte vrasja e dytë para zgjedhjeve parlamentare të 28 qershorit. Në maj, vrasës të panjohur qëlluan për vdekje Fatmir Xhindin, një anëtar i parlamentit që përfaqëson PS, afër me shtëpinë e tij në qytetin e Roskovec. (Reuters, AFP, AP, DPA, Makfax -12/06/09)