BDI e Maqedonisë vë afat përfundimtar për mosmarrëveshjen për emrin
29/05/2009
SHKUP, Maqedoni -- Partia etnike shqiptare e Bashkimit Demokratrik për Integrimin (BDI) vuri një afat përfundimtar për partnerin e saj të koalicionit VMRO-DPMNE për të zgjidhur mosmarrëveshjen për emrin me Greqinë dhe për të lëvizur përpara procesin e bllokuar të integrimit euro-atlantik të vendit deri në fund të vitit. Nëse jo, shqiptarët do të kërkojnë alternativa të reja, i tha anëtarja e BDI, Teuta Arifi të enjten (28 maj) kanalit vendas të TV Alsat M. Ajo paralajmëroi se çdo përpjekje për të ndryshuar kursin e Maqedonisë ndaj integrimit në BE dhe NATO është i rrezikshëm. Greqia ka bllokuar përpjekjen e Maqedonisë për në NATO lidhur me mosmarrëveshjen e gjatë midis të dy vendeve për emrin. Sondazhet e opinionit tregojnë se shqiptarët etnikë janë më tepër të gatshëm të bëjnë kompromis sesa maqedonasit, të cilët e lidhin emrin e vendit me identitetin e tyre.
Më vete të enjten, udhëheqësi i BDI Ali Ahmeti tha se koalicioni në pushtet është i qëndrueshëm dhe se partia e tij nuk do të largohet nga qeveria. Komentet e tij erdhën pasi Presidenti i Kosovës Fatmir Sejdiu anulloi vizitën e tijn në Maqedoni midis njoftimeve që sugjeronin se ai nuk do të pritej me nderime shtetërorë. (MRT, Makfax - 29/05/09; Dnevnik, Utrinski Vesnik - 28/05/09)