ICO thotë se decentralizimi është shansi i vitit i serbëve të Kosovës
14/04/2009
PRISHTINE, Kosovë -- Zyra Civile Ndërkombëtare (ICO) po i thotë bashkësisë serbe në Kosovë se procesi i decentralizimit është shansi i tyre i vitit. "Oferta është në tryezë. Varet vetëm nga serbët e Kosovës për t'a gjykuar dhe për t'a marrë këtë ofertë," tha të martën (14 prill) zëdhënësi i ICO Kai Muller-Berner. Plani i decentralizimit parashikon krijimin e pesë bashkive plus një me shumicë serbe. Por krerët serbë të Kosovës kanë thënë se bashkësia e tyre nuk do ta mbështesë këtë proces sepse ai po udhëhiqet nga qeveria e Kosovës dhe ICO. Ata kanë kërkuar neutralitet nën drejtimin e Këshillit të Europës.
Në lajme të tjera të martën, EULEX i kërkoi qeverisë që të përshpejtojë miratimin e legjislacionit që do të forcojë mekanizmin e mbrojtjes së dëshmitarëve. Kërkesa, nga zëdhënësja e EULEX Karin Limdal, erdhi pasi EULEX po rrit shqyrtimin prej tij të dosjeve të krimeve të luftës. Mekanizmi i mbrojtjes së dëshmitarëve është konsideruar një element kryesor i reformës gjyqësore lidhur me krimet e luftës dhe krimin e organizuar. (Zeri, Kosova Sot, Koha Ditore, Kohavision, Telegrafi, Kosovalive - 14/04/09; Radio Free Europe - 13/04/09)