PDL fiton zgjedhjet në Rumani

03/12/2008

BUKURESHT, Rumani -- Partia Liberal Demokartike (PDL) fitoi zgjedhjet e përgjithëshme sipas rezultateve të Byrosë Qendrore Zgjedhore të lëshuara të martën vonë (2 dhjetor). Ndonse partia humbi votën popullore me një diferencë të vogël, sistemi i ri mazhoritar punoi mjaft në favor të saj. Si rezultat, PDL fitoi 138 nga 333 vende në dhomën e deputetëve dhe 58 nga 137 vende në senat, ose pak mbi 40% të vendeve në të dy dhomat. Koalicioni i Partisë Social Demokratike dhe Partisë Konservatore vjen pas me 21 vende më pak në dhomën e deputetëve dhe 3 më pak në senat, duke përfunduar në vendin e dytë. Partia e tanishme qeverisëse Kombëtare Liberale fitoi rreth 11% të vendeve në të dy dhomat duke marrë mbi 18% të votës popullore. Bashkimi Demokratik i Hungarezëve të Rumanisë ishte pak a shumë e pacënuar nga sistemi i ri, duke fituar 6.91% të vendeve në dhomën e deputetëve dhe 6.57% të vendeve në senat. Rezultatet përfundimtare priten të enjten. (Hotnews.ro, Gandul - 03/12/08; Mediafax, Xinhua - 02/12/08)