Aleanca PSD-PC e Rumanisë shënon një fitore të ngushtë
02/12/2008
BUKURESHT, Rumani -- Sipas rezultateve të lëshuara të martën (2 dhjetor) aleanca e Partisë Social Demokratike (PSD) dhe Partisë Konservatore (PC) fitoi ngushtë votën popullore në zgjedhjet parlamentare të së dielës. Byroja Qendrore Zgjedhore thotë se koalicioni PSD-PC fitoi 33.1% të votave në zgjedhjet për dhomën e deputetëve dhe 34.16% të votave në zgjedhjet për në senat. Partia Liberale Demokratike vjen pas me një diferencë prej 0.73% në dhomën e deputetëve dhe 0.59% në senat. Diferenca është rreth 40,000-50,000 vota duke i bërë këto zgjedhje më të ngushtat gjatë dy dekadave të shkuara. Partia Kombëtare Liberale ishte e treta me rreth 18.7% të votave ndjekur nga Bashkimi Demokratik i Hungarezëve në Rumani, me 6.4%. (NewsIn, Financiarul, Romania Libera, Gardianul, BBC - 02/11/08)