Të burgosurit grekë përfundojnë grevën e urisë pasi qeveria premton lirimin e 5,500 prej tyre

21/11/2008

ATHINË, Greqi -- Të burgosurit përfunduan grevën e tyre 18-ditore të enjten (20 nëntor) pasi qeveria premtoi të lirojë mijra prej tyre vitin tjetër. Një panel që përfaqësonte të burgosurit tha se ata do të nisin të hanë përsëri të premten. Vendimi erdhi pasi ministria e drejtësisë propozoi projekt-legjislacionin që parashikon lirimin e hershëm të rreth 5,500 të burgosurve deri në prill për të lehtësuar mbipopullimin në strukturat e burgjeve. Aktualisht janë 12,300 të burgosur në një sistem me kapacitet nën 8,300.

Në lajme të tjera të enjten, Bullgaria njoftoi se do të falë rreth 3,300 të burgosur apo 23% të të gjithë të burgosurve të saj, në një orvatje për të reduktuar mbipopullimin. Ministrja e drejtësisë Miglena Taçeva thotë se janë 12,000 të burgosur pas hekurave në burgjet lokale, tre herë më shumë se kapaciteti. (Dnevnik - 21/11/08; AP, ANA-MPA, Makfax, Nafhtemporiki, Dnevnik, AFP - 20/11/08)