Krerët e Kosovës takohen në Londër me krerët britanikë
21/11/2008
LONDËR, Mbretëria e Bashkuar -- Sekretari i jashtëm David Miliband përshëndeti të enjten (20 nëntor) të ardhmen e Kosovës "në familjen evropiane" gjatë një takimi me presidentin e vendit të ri Fatmir Sejdiu dhe kryeministrin Hashim Thaçi, në Londër. Milibend përshëndeti vendosmërinë e zyrtarëve për të mbështetur vendosjen e misionit EULEX të kryesuar nga BE, në Kosovë, duke theksuar se vendosja e tij është një stad vendimtar në zhvillimin e vendit. Thaçi përsëriti kundërshtimin e Prishtinës për planin gjashtë-pikash për vendosjen, propozuar nga sekretari i përgjithshëm i OKB-së Bank Ki-mun. Ai tha se Kosova ka planin e vet me katër pika që parashikon vendosjen e misionit në të gjitha zonat duke përfshirë ato të mbizotëruara nga serbët.
Në lajme të tjera, policia e Kosovës arrestoi tre vetë të mërkurën në lidhje me shpërthimin në Zyrën Civile Ndërkombëtare një javë më parë. Të enjten, zyrtarët i përshkruan ata si shtetas gjermanë që po vizitonin Kosovën. (AFP, Beta, Foreign and Commonwealth Office website, Koha Ditore, Express, Lajm, Zeri, Kosova Sot - 21/11/08; DPA, AP, Reuters, AFP - 20/11/08)