Serbia zotohet të nisë një kundërpadi ndaj Kroacisë në ICJ
19/11/2008
BEOGRAD, Serbi -- Qeveria njoftoi të martën (18 nëntor) plane për të bërë një kundërpadi ndaj Kroacisë në Gjykatën Ndërkombëtare të Drejtësisë (ICJ) pasi gjykata ra dakord të dëgjojë një padi të ngritur nga Kroacia. Zagrebi e akuzon Beogradin për spastrim etnik gjatë luftës së 1991-1995 dhe kërkon ndëshkimin e të gjithë atyre që janë fajtorë për genocidin, si dhe kthimin e të gjitha objekteve kulturore kroate të vjedhura. Kroacia gjithashtu do që Serbia të paguajë dëmshpërblime ushtarake në një sasi të përcaktuar nga gjykata. Në përgjigje, ministri i jashtëm serb Vuk Jeremiç tha se Beogradi do ta padisë Kroacinë për krimet e luftës kryer gjatë operacionit Stuhia në 1995. (RTS, AFP, RTS, Javno, B92 - 18/11/08)