Kryeprokurori i gjykatës së Hagës Bramertz viziton Beogradin
17/11/2008
BEOGRAD, Serbi -- Kryeprokurori i gjykatës së krimeve të luftës i Hagës, Serge Bramertz arriti në Beograd të hënën (17 nëntor) për një vizitë zyrtare dy-ditore. Të dielën, Bramertz shprehu besim lidhur me qëllimin e Beogrdadit për të sjellë në drejtësi të gjithë të kërkuarit për krime lufte, përfshirë Ratko Mlladiç dhe Goran Haxhiç. Bramertz u takua të hënën me kryetarin e këshillit kombëtar të Serbisë për lidhjet me gjykatën e Hagës, Rasim Ljajiç dhe kryeprokurorin e krimeve të luftës Vladimir Vukçeviç. E marta përfshin takime me presidentin Boris Tadiç dhe kryeministrin Mirko Cvetkoviç, mes të tjerësh. Bramertz duhet të paraqesë raportin e tij të rregullt gjashtë-mujor mbi bashkëpunimin e Serbisë me gjykatën, në Këshillin e Sigurimit të OKB-së në mesin e dhjetorit. Vlerësimi i tij mbetet një kusht kyç për anëtarësimin përfundimtar në BE.
Në raportin e tij të mëparshëm rreth një muaj më parë, Bramertz njihte përparimin e madh të bërë nga autoritetet serbe veçanërisht me arrestimin e ish kreut politik serb boshnjak Radovan Karaxhiç. (Blic, Beta, Tanjug - 17/11/08; B92 - 16/11/08)