Dy partitë më të mëdha të Shqipërisë kalojnë reformat zgjedhore pavarësisht kundërshtimit nga partitë e vogla.

14/11/2008

TIRANË, Shqipëri -- Dy partitë më të mëdha politike, Partia qeverisëse Demokratike dhe e opozitës, Partia Socialiste (PS), miratuan të enjten (13 nëntor) ndryshimet në kodin zgjedhor duke e transformuar sistemin zgjedhor nga mazhoritar në rajonal proporcional. Komiteti i reformës zgjedhore nuk bëri ndryshime në propozim pavarësisht kundërshtimit të fortë nga partitë më të vogla, disa nga anëtarët e të cilave bënë bile edhe një grevë urie. Përfaqësuesi i PS në komitet, Fatmir Xhafa, tha se ndryshimet në kod do të garantojnë më tepër transparencë. Reforma zgjedhore është një nga kërkesat e kryesore që Shqipëria duhet të përmbushë për integrimin përfundimtar në BE.

Në lajme të tjera të enjten, ministria e shëndetësisë njoftoi se ka në plan të ngrejë padi kundër dhjetë drejtorësh spitalesh të dyshuar për mashtrim. Zyrtarja e ministrisë Gerta Picari thotë se kontrollorët kanë gjetur shkelje serioze lidhur me procedurat e prokurimit, caktimin e fondeve buxhetore ndaj palëve të treta dhe marrjet në punë. Kontrollet vazhdojnë në spitale të tjera anembanë vendit. (Shekulli, Klan, Alsat, Top News, News 24, Vizion +, Top Channel - 13/11/08)