Trupat turke përleshen me anëtarët e PKK pranë kufirit të Irakut
16/10/2008
ANKARA, Turqi -- Ushtria thotë se pesë ushtarë turq dhe pesë anëtarë të Partisë terroriste të Punëtorëve të Kurdistanit (PKK) u vranë në luftimet që nisën të mërkurën (15 tetor) në juglindje, pranë kufirit të Irakut. Ushtria thotë se një tjetër ushtar turk vdiq dhe 15 të tjerë u plagosën kur u rrëzua një helikopter që mbante përforcime. PKK thotë se e rrëzoi atë, ndërsa ushtria fajëson një problem mekanik.
Në lajme të tjera, pasagjerët bënë të dështojë një përpjekje për rrëmbim në bordin e një avioni të Turkish Airlines që fluturonte nga vendpushimi turk i Antalias në St. Petersburg të Rusisë, të mërkurën. Rrëmbyesi i dyshuar thuhet se dërgoi një shënim te piloti duke thënë se kishte një bombë dhe po merrte kontrollin e avionit, Pasagjerët e vunë poshtë personin por autorietet nuk gjetën një bombë apo armë. Policia ruse arrestoi rrëmbyesin, që u tha se ishte i dehur. (BBC - 16/10/08; NTV, Hurriyet, Interfax, RIA Novosti, Reuters, Anadolu news agency, Dogan news agency - 15/10/08)