Talat: Tani është koha për zgjidhjen e Qipros

16/09/2008

NIKOSIA, Qipro -- Kreu turk qipriot Mehmet Ali Talat tha të hënën (15 shtator) se rrethanat aktuale në Qipro janë ndihmuese prë ribashkimin e ishullit të ndarë. "Megjithatë, këto kushte të mira nuk garantojnë një zgjidhje që mund të pranohet nga të dy komunitetet," u tha Talat përfaqësuesve të të OJQ-ve turke qipriote, duke shtuar se çdo tekst ribashkimi do të ndeshej me një referendum.

Më vete të hënën, ministri i jashtëm qipriot Markos Qiprianu tha se përparimi varet kryesisht nga Turqia. "Tani është me rëndësi të madhe në se Turqia do të lërë udhën të hapur që Talat të negociojë duke patur parasysh më shumë interesat turke qipriote se sa ato strategjike të Turqisë," i tha ministri së përditshmes greke Kathimerini.

Në lajme të tjera, këshilltari presidnecial grek qipriot George Iakovu dhe këshilltari turk qipriot Ozdil Nami u takuan të hënën. Ata po shtronin bazat për raundin tjetër të bisedimeve të drejtpërdrejta midis Talat dhe presidentit të Qipros Demetris Kristofias të enjten. (Anadolu news agency - 16/09/08; Famagusta Gazette, Kathimerini - 15/09/08)