Rasti i Glavas ndez shqetësimet e BE lidhur me gjyqësorin kroat
07/09/2008
ZAGREB, Kroaci -- Pakënaqësia e BE me sistemin gjyqësor kroat mund të përbënte një pengesë të madhe në negociatat e pranimit, raportoi media të premten (5 shtator) duke cituar burime në Bruksel. Ekipi negociues kroat në Bruksel thuhet se mori një letër nga BE që kritikon mënyrën se si po trajtohen rastet e krimeve të luftës dhe raste të tjera gjyqësore. Në veçanti, Brukseli është i pakënaqur me gjyqin e Branimir Glavas dhe gjashtë të pandehurve për krime lufte. Gjyqi është shtyrë dhe do të duhet të nisë nga fillimi për një herë të dytë, për shkak të arsyeve proceduriale.
Të shtunën, ndërkohë, kreu i delegacionit të Komisionit Evropian në Podgoricë vlerësoi Malin e Zi si një udhëheqës rajonal në procesin e integrimit në BE. "Kjo do të thotë se shanset e Malit të Zi për t'u bashkuar me BE janë shumë të mira," tha Leopold Maurer. (Beta, Vecernje List, B92 - 05/09/08)