Nis në BiH fushata për zgjedhjet lokale
07/09/2008
SARAJEVË, Bosnje dhe Herzegovinë (BiH) -- Fushata për zgjedhjet lokale në Bosnje dhe Herzegovinë (BiH) nisi zyrtarisht të premten (5 shtator). Ajo do të vazhdojë deri në 4 tetor, kur një pushim 24 orësh zgjedhor do të respektohet përpara votimit në 5 tetor. Një total prej 29,043 kandidatë të verifikuar, që përfaqësojnë 80 formacione politike dhe lista të pavarurish do të konkurojnë për funksionet në 149 komuna. Numri i votuesve të regjistruar është 3,024,127.
Si Komisioni Qendfror Zgjedhor dhe Përfaqësuesi i Lartë Miroslav Lajçak kanë theksuar se kanë një rang të gjerë sanksionesh në dispozicion me qëllim që të ndalojnë radikalizimin e mundshëm politik. Një delegacion i Këshillit të Evropës do të arrijë në vend në 2 tetor për të mbikqyrur procesin zgjedhor. (BIRN, Fena, RTRS, Dnevni Avaz - 05/09/08)