Rehn i BE i kërkon Turqisë të shpejtojë reformat pro-BE

07/09/2008

ANKARA, Turqi -- Komisioneri i zgjerimit të BE Olli Rehn u takua me ministrin e jashtëm të Turqisë Ali Babaçan të premten (5 shtator) mënjanë një takimi të ministrave të jashtëm të BE në Francë. Rehn këshilloi Babaçan se vendi i tij duhet të lëvizë përpara me reformat lidhur me BE me shpejtësi të plotë, tani që qeveria shpëtoi nga rasti i gjykatës kushtetuese që kishte për qëllim shpërbërjen e saj.

"Ne i kemi kërkuar Turqisë të reformojë ligjin mbi partitë politike si një gjë urgjente për të shmangur këtë lloj krize të ashpër politike në të ardhmen," u tha Rehn gazetarëve pas takimit. Ai dhe Babaçan diskutuan gjithashtu konfliktin në Xhorxhia dhe propozimin e Turqisë për të ngritur një platformë bashkëpunimi e stabiliteti të Kaukazit si dhe përpjekjet për të ndërmjetësuar në bisedimet e paqes midis Izraelit e Sirisë. (Hurriyet, Zaman, Milliyet, Reuters - 06/09/08)