Serbia do të hetojë kriminelët e luftës të dyshuar të Luftës së Dytë Botërore

01/09/2008

BEOGRAD, Serbi -- Prokurorët e krimeve të luftës të vendit kanë mbledhur të dhëna të mjafta për të nisur një hetim për Peter Egner, një ish oficer i Gestapos që jeton në Shtetet e Bashkuara i cili dyshohet se vrau mijra civilë gjatë Luftës së Dytë Botërore. "Në bashkëpunim me Zyrën e departamentit të shtetit për Krimet e Luftës dhe ambasadën e SHBA në Beograd, ne kemi gjetur mjaft informacion për të përligjur një hetim," tha të shtunën (30 gusht) Bruno Vekariç, zëdhënës për zyrën e prokurorit për krimet e luftës. Zyra ka nisur një mocion me gjykatën e qarkut të Beogradit për të filluar një hetim mbi Egner me dyshimin për kryerje të genocidit dhe krime të tjera të luftës. Prokurorët thonë se si oficer i Gestapos në 1941 dhe 1942, Egner ngriti dhe punoi në disa kampe përqëndrimi në Beograd dhe ka marrë pjesë në ekzekutimet e çifutëve dhe civilëve të tjerë, përfshirë gra e fëmijë. Media serbe sugjeron se ai ishte përgjegjës për vdekjen e rreth 17,000 civilëve. (Kathimerini - 31/08/08; B92, AFP, AP - 30/08/08)