Rumania rihap pikën e kontrollit në kufirin me Moldovën
04/08/2008
BUKURESHT, Rumani -- Qeveria rihapi pikën e kontrollit të Skulen në kufirin me Moldovën herët të dielën (3 gusht), mbas një vendimi të përbashkët rumuno-moldoven. Niveli shumë i lartë i lumit Prut i detyroi ta mbyllnin. Trafiku nëpërmjet pikës së kontrollit të Stanca rifilloi të shtunën.
Në lajmet e tjera, kryeministri Kalin Popesku Tarikeanu u shpreh të dielën se rindërtimi i shtëpive të dëmtuara nga përmbytjet e fundit është prioriteti madhor i qeverisë. Rreth 800 shtëpi janë shembur për shkak të përmbytjeve.
Ndërkohë, një tjetër valë vape po godet jugun e Rumanisë të hënën dhe të martën. Temperaturat pritet të arrijnë 36 gradë Celcius në rajonet jugore të Oltenias dhe Muntenias. Në Bukuresht, meteorologët parashikojnë temperatura prej 35 gradësh. (Hotnews - 04/08/08, Agerpres, Mediafax - 03/08/08)