Kabineti bullgar i shpëton votës së gjashtë të mosbesimit
31/07/2008
SOFJE , Bullgari -- Qeveria i shpëtoi lehtësisht një votimi mosbesimi të mërkurën (30 korrik) lidhur me dështimin e pretenduar për të përmbushur kriteret e BE dhe për të menazhuar efektivisht fondet e BE. Mocionit, i gjashti i ngritur ndaj kabinetit të kryeministrit Sergej Stanishev që kur mori detyrën në 2005, i duheshin së paku 121 vota që t'ja dilte. Ai mori vetëm 84 vota. Pesë parti të opozitës të krahut të djathtë dhe 13 ligjbërës të pavarur kërkuan dorëheqjen e qeverisë pas një raporti mbikqyrës të Komunitetit Evropian mbi Bullgarinë javën e fundit. Dokumenti kritikon ashpër vendin për mostrajtimin e korrupsionit të nivelit të lartë dhe krimit të organizuar. Ai konfirmoi gjithashtu ngrirjen e mbi 800 milion euro në ndihma. (BTA, Dnevnik, BNT, BNR, Focus, Mediapool, Darik - 30/07/08)